Danilo

4 Molinđum man e Jehovase, me Devlese, hem vaćerđum lese sa amare grehija. Phenđum: „O, Jehova, tu hijan pravo Devel, tu hijan baro hem tutar sare darana, ićereja tut ko to savez hem mothoveja verno mangipe okolenđe kola mangena tut hem kola ićerena pe ko te zapovestija, 23 Ked počminđan usrdno te moline tut, dobinđum zapovest te objavinav tuće akija poruka, sose o Devel but cenini tut. Odolese obratin pažnja ko akava so ka phenav tuće hem haljov i vizija. 24 „Eftavardeš kurće tane odredime te narodose hem te sveto dizjaće te ćhinavi pe o prestup, te anel pe o krajo e grehose, te čistini pe i krivica, te anel pe i večno pravednost, te ćhivel pe o pečati ki vizija hem ko proročanstvo hem te pomazini pe i Svetinja upro svetinje. 25 Odolese valjani te đane hem te haljove: Odmah palo odova so ka ovel dindi i zapovest o Jerusalim te obnovini pe hem palem te gradini pe pa sa đi o Mesija, o Vođa, ka nakhen 7 kurće, a palo odova pana 62 kurće. O Jerusalim ka obnovini pe hem palem ka ovel gradimo hem ka ovel le trg hem opkop, ama ko pharo vreme.