Efešanima

6 Ćhavalen, šunen tumare dade hem tumare daja sose odija tani e Gospodesi volja hem sose tano odova pravedno. 3 „Te ovel tuće šukar hem te aćhove dugo ki phuv.“ 4 A tumen, dadalen, ma holjanćeren tumare ćhaven, nego vaspitinen len hem usmerinen len premali Jehovasi volja. 11 Uraven e Devlesi celo ratno oprema te šaj te aćhon zorale hem te na peren ko Bengese zamke. 12 Sose na borinaja amen protiv o rat hem telo, nego protiv o poglavarija, protiv o vlastija, protiv o svetska vladarija andi akija tama, protiv o lošna duhovna sile ko nebo. 13 Odolese len sa e Devlesi ratno oprema, te šaj te borinen tumen protiv olende ko lošno dive hem palo odova so ka ćeren sa so valjani, te aćhon zorale. 14 Odolese, oven zorale. Okolo struko phanen tumen o pojas ando ćaćipe, ko kolin ćhiven o oklop andi pravednost, 15 a ko pre uraven i spremnost te propovedinen i šukar vest ando mir. 16 Uzo odova, len o baro štit andi vera, koleja šaj te aćhaven sa e Lošnonese strele so thabljona. 17 Ko šero ćhiven i kaciga ando spasenje hem ko vas len o mač ando duh, a odova tano e Devleso lafi. 18 Ko isto vreme, molinen tumen ki svako prilika ko duho ko svako oblik andi molitva hem usrdna molbe. Odolese oven đangavde hem uvek molinen tumen aso sa o sveta. 19 Molinen tumen hem maje, o Devel te pomožini manđe, ked valjani te vaćerav, te arakhav prava lafija te šaj hrabro te propovedinav i sveto tajna andi šukar vest.