2. Korinćanima

5 A ako neko ćerđa man te ovav tužno, na ćerđa samo me te ovav tužno, na mangava te preterinav, ama sarinen tumen ćerđa te oven tužna. 6 Asavke manušese tano dovoljno so već but tumendar ukorinđe le. 7 Odolese spremno oprostinen lese hem utešinen le, te na peravi le odija bari dukh. 8 Sebepi odova, molinava tumen, mothoven lese so mangena le. 9 Odolese hem pisinava tumenđe, te dikhav da li hijen poslušna ko sa. 10 Kase tumen diso oprostinena, olese hem me oprostinava. A ako me nekase oprostinđum, ćerđum odova sebepi tumaro anglo Hrist. 11 te na hovavi amen o Satana, sose olese namere nane amenđe bipenđarutne. 15 Sose đi propovedinaja ando Hrist, amen hijam e Devlese prijatno miris, kova osetinena le hem okola kola ka oven spasime hem okola kola ka oven uništime. 16 Aso okola so ka oven uništime odova tano miris e meribaso kova legari ko meribe, a aso okola so ka oven spasime odova tano miris e životoso kova legari ko životi. A koj tano sposobno asi asavki služba? 17 Sose amen na hijam trgovcija ando e Devleso lafi, nego iskreno vaćeraja – sar bićhalde ando Devel, anglo e Devlese jaćha hem ko jekhipe e Hristeja.