1. Korinćanima

16 A ako vaćerava i šukar vest, odova nane razlog te hvalinav man, sose odija tani mi dužnost. Ćaće, teško maje ako na vaćerava i šukar vest! 17 Ako odova ćerava spremno, isi man nagrada. Ama čak hem ako odova ćerava protiv mi volja, ipak ćerava o zadatko kova tano manđe dindo. 19 Sose iako na hijum nikaso robo, kokri man ćerđum te ovav sarinengo robo te šaj so pobuter manušen te anav ko ćaćipe. 20 E Judejconenđe hijum le sar Judejco, te dobinav e Judejconen. Okolenđe talo zakon hijum le sar talo zakon– iako me na hijum talo zakon– te dobinav okolen kola tane talo zakon. 21 Okolenđe bizo zakon hijum le sar bizo zakon– iako na hijum bizo zakon, nego hijum talo e Hristeso zakon– te dobinav okolen bizo zakon. 22 E slabonenđe hijum le slabo, te dobinav e slabonen. Sarinenđe hijum le sa, te šaj ko sa o načinija disaven te spasinav. 23 A sa ćerava sebepi i šukar vest, te bi propovedinava la averenđe. 24 Zar na đanena so ki trka sa o trkačija prastana, ama samo jekh dobini i nagrada? Odolese prastan ađahar te osvojinen la! 25 A svako ko prastala isi le kontrola upro peste ko sa. On odova ćerena te šaj te ovel len venco kova ćirnjola, a amen kova na ćirnjola. 26 Odolese me na prastava bizo cilj hem na khuvava me vasteja ko ćućo, 27 nego kontrolišinava mo telo hem ićerava le te šunel man sar o robo, te ne bi hem kokri ovava odbacimo palo so propovedinđum averenđe.