1. Timoteju
5 A odija zapovest tani dindi te šaj sare te mothova mangipe kova avela ando čisto vilo, andi čisto savest hem andi nelicemerno vera. 11 Odova sikljovibe tano premali slavno šukar vest ando bahtalo Devel soj tani maje dindi. 12 Zahvalno hijum amare Gospodese, e Hristese, e Isusese, kova dinđa man snaga, odolese so dikhlja upro mande sar verno manuš hem dinđa man i služba. 13 Iako angleder but lošno vaćerđum ando Devel, progoninđum olese narodo hem hijum le but ponosno. Ama, o Hrist mothovđa maje milosrđe odolese so tegani na đanđum so ćerava hem na hine man vera. 14 Amaro Gospod mothovđa maje baro bizaslužimo šukaripe zajedno e veraja hem e mangipaja kova tano ko Hrist Isus. 15 Akala lafija tane ćaće hem valjani te prihvatinen pe celone vileja: O Isus Hrist alo ko sveto te spasini e grešnikonen, ando kola najbaro grešniko hijum me. 17 A e Kraljese andi večnost, kova tano večno, kova na dićhola, e jedino Devlese, nek ovel čast hem slava ki celo večnost. Amin. 18 Timotej, mo ćhavo, dava tut akija zapovest premalo proročanstvija kola odnosinđe pe upro tute hem kola ka den tut hrabrost hem ponodri te vodine šukar maribe,