Luka

4 O Isus irinđa pe ando Jordan pherdo sveto duhoja hem o duh legarđa le ki pustinja, 4 O Isus odgovorinđa lese: „Pisimo tano: ’O manuš na živini samo kotar maro.‘“ 5 Palo odova, o Beng legarđa le ki jekh ući gora hem ando jekh puti mothovđa lese sa o kraljevstvija ando sveto. 6 Hem phenđa lese: „Ka dav tut i vlast upro sa akala kraljevstvija hem olengi slava, sose odija vlast tani maje dindi hem me dava la kase mangava. 7 Odolese, ako poklonineja tut maje, sa odija vlast ka ovel tuće dindi.“ 8 O Isus ko odova phenđa lese: „Pisimo tano: ’E Jehovase, te Devlese, klanin tut hem jedino olese služin.‘ “ 13 Ked o Beng završinđa sa odole kušnjencar, đelo olestar sa đi disavi aver prilika. 16 Palo odova alo ko Nazaret, ko than kuri barilo. Ko sabatno dive, sar so hine le običaj, ov đelo ki sinagoga. Ked uštilo te čitini, 17 dinđe le o svitko ando prorok Isaija. Ov phravđa le hem arakhlja o than kaj hine pisimo: 18 „E Jehovaso duho tano upro mande, odolese so o Devel pomazinđa man te vaćerav i šukar vest e ćororenđe. Bićhalđa man te vaćerav okolenđe soj tane phanle so ka oven oslobodime, te phravav e kororenge jaćha, te oslobodinav e manušen kola patinena, 19 te propovedinav e Jehovaso berš andi milost.“ 20 Tegani paćarđa o svitko, irinđa le okolese kova služinđa hem bešlja. Sarine kola hine ki sinagoga dikhlje ano leste. 21 Hem phenđa lenđe: „Akala lafija ando Lil kola akana šunđen, avdije ispuninđe pe.“ 22 Sare vaćerđe šukar olestar hem hine oduševime ando olese šuže lafija hem vaćerđe: „Nane li akava e Josifeso ćhavo?“ 23 Tegani phenđa lenđe: „Sigurno šunđen sar o manuša phenena: ’Ako hijan doktori, saćar kokri tut!‘ Hem ka phenen: ’Šunđam so ćerđan but buća ko Kapernaum. Ćer hem akate, ko to than, disave ando odola buća.‘ “ 24 Pana phenđa lenđe: „Verujinen maje, nijekh proroko nane prihvatimo ko po than. 25 Ćaće phenava tumenđe: Ko Izrael hine but udovice ko Ilijaso vreme, ked o boršim na pelo trin berš hem šov masek. Odolese ki celo phuv hine baro bokhalipe. 26 Ama o Ilija na hine bićhaldo ki nijekh ando odola udovice, već samo e udovicaće andi Sarepta, ki sidonsko phuv. 27 Isto ađahar, ko vreme ando prorok Jelisej, hine but gubavcija, ama nijekh olendar na hine saćardo, osim o Naman andi Sirija.“ 28 Ked šunđe odova, sare ki sinagoga but holjanđe, 29 hem uštilje, ikalđe le andi diz hem legarđe le upre ko brego kaj hine ćerdi olengi diz hem manglje odothar te forden le. 30 Ama ov nakhlja maškaro lende hem đelo pese pe drumoja. 43 Ama ov phenđa lenđe: „Hem ko avera dizja mora te vaćerav i šukar vest ando Devleso Kraljevstvo, sose odolese hijum bićhaldo.“