Jevrejima
12 Odolese so isi amen odobor baro oblako ando svedokija, te forda svako teret hem greh kova lokho šaj te peravi amen hem istrajno te prasta i trka koja tani anglo amende. 2 Đi ćeraja odova te dikha upro Isus – ko Vođa hem ko okova kova pomožini amen amari vera te ovel potpuno. Sebepi i radost koja terdilji anglo leste podnosinđa o meribe ko mučeničko stubo, na marinđa asi lađ hem bešlja ki desno strana ando e Devleso presto. 3 Odolese, hor razmislinen ando okova kova istrajinđa ked o grešna manuša marđe lese muj hem odoleja kokri pese ćerđe lošnipa, te na bi ćhinđovena hem te na bi predajinena tumen. 5 A bisterđen o savet kova dinđa tumen sar pe ćhavenđe: „Mo ćhavo, ma mislin so e Jehovasi disciplina nane vredno niti ma obeshrabrin tut ked ov dela tut disciplina, 6 kas o Jehova mangela, ole hem ukorini, kaznini svakone kas prihvatini sar pe ćhave.“ 7 Sa so podnosinena tano deo ando tumaro poučavanje. O Devel tumencar postupini sar pe ćhavencar. A kole ćhave o dad na ukorini? 9 Uzo odova, amare telesna dada ukorinđe amen hem amen poštujinđam len. Zar na ka podložina amen pana pospremno e Dadese ando amaro duhovno životi sar bi živinaja? 10 On samo disavo vreme ukorinđe amen, ađahar sar so mislinđe so valjani, a ov ćerela odova amare šukaripase, te šaj te ova sveta sar oleste. 11 Ćaće, nijekh ukor na ćerela amen te ova radosna, nego te ova žalosna, ama okolenđe kola sikljilje diso odolestar palo odova anela o plod pherdo ando mir, a odova tano pravednost. 14 Den sa tumendar te oven ko mir sarinencar hem živinen ki svetost, sose bizo late niko našti te dikhel e Devle. 16 Pazinen hem maškaro tumende te na ovel niko ko ćerela blud ja ko na cenini odova soj tano sveto, sar o Isav, kova aso jekh habe odrekninđa pe kotar pe pravija kola hine le sar prvenco. 22 Ama tumen aljen ki gora Sion hem ki diz ando đivdo Devel, a odova tano o nebesko Jerusalim hem ko desetine hiljada anđelija 26 Ko odova vreme oleso glaso tresinđa i phuv, a akana ov dela po lafi: „Pana jekh puti ka tresinav na samo i phuv nego hem o nebo.“ 27 Odova soj tano phendo „pana jekh puti“ značini so ka ovel uništimo odova so šaj te tresini pe, avere lafencar odova so o Devel na stvorinđa, te šaj te aćhol odova so našti te tresini pe. 28 Odolese so valjani te dobina o Kraljevstvo kova našti te ovel tresimo, hajde te da sa amendar te aćhova verna te šaj o Devel hem ponodri te mothovi amenđe po bizaslužimo šukaripe, sebepi kova šaj te ovel amen dar hem strahopoštovanje đi služinaja e Devlese premali olesi volja. 29 Sose amaro Devel tano sar jag koja nakhavi sa anglo peste.