1. Solunjanima

2 Sose hem kokri šukar đanena so e Jehovaso dive ka avel baš sar so o ćor avela raćate. 3 Ked o manuša ka vaćeren: „Mir hem sigurnost!“, tegani iznenada ka resel len o uništenje, sar o dukha e romnja koja valjani te bijani, hem on na ka šaj te izbegninen le. 4 Ama tumen, phraljalen, na hijen ki tama. Odova dive na ka iznenadini tumen sar so i svetlost ando dive iznenadini okolen so ćorena. 5 sose tumen sare hijen o ćhave andi svetlost hem o ćhave ando dive. Amen na pripadinaja ni e raćaće ni e tominaće. 6 Odolese, te na sova sar so avera sovena, nego te ova đangavde hem trezvena. 7 Sose okola so sovena, raćate sovena, hem okola so maćovena, raćate maćovena. 8 Ama amen kola pripadinaja e divese, te ova trezvena hem ko kolin te ćhiva o oklop andi vera hem ando mangipe, a ko šero te ćhiva i kaciga – i nada ko spasenje. 11 Odolese tešinen hem zorjaćeren jekh jekhe, sar so odova već ćerena. 12 Molinaja tumen, phraljalen, poštujinen okolen kola trudinena pe maškaro tumende, predvodinena tumen ko Gospodeso delo hem savetujinena tumen. 13 Hor poštujinen len hem mangen len sebepi olengi buti. Oven ko mir jekh jekheja. 14 Uzo odova podstakninaja tumen, phraljalen, opominen okolen so živinena neuredno, tešinen okolen soj tane obeshrabrime, pomožinen okolenđe soj tane slaba hem oven strpljiva sarinencar. 17 Uvek molinen tumen. 18 Oven zahvalna aso sa. O Devel mangela odova te ćeren sose hijen sledbenikija ando Isus Hrist. 19 Ma sprečinen e Devleso duho te delujini upro tumende. 20 Upro proročanstvija ma dikhen sar diso bezvredno. 21 Sa proverinen te šaj te uverinen tumen so odova tano o ćaćipe. Ićeren tumen ko odova soj tano šukar.