1. Petrova

4 Odolese so o Hrist patinđa ked hine manuš, hem tumen oven spremna te ovel tumen sar oleso stav. Sose o manuš kova patini, mothovi so ćhinavđa te grešini. 2 te šaj o vreme kova aćhilo lese ko telo te na živini premalo manušikane želje, nego te ćerel okova soj tano premali e Devlesi volja. 3 Sose dosta hine so angleder ćerđen odova so ćerena o manuša ko sveto ked ćerđen razna lošna buća bizi lađ, na hine tumen kontrola upro tumare želje, but piljen ked ćerđen neobuzdana zabave hem pijanke hem idolopoklonstvo. 4 On čudinena pe so više na prastana olencar ki isto ćik te ćeren razna sramna buća hem odolese but lošno vaćerena tumendar. 6 U stvari, odolese tani i šukar vest objavimi e mulenđe, te bi – iako o manuša osudinena len premalo okova soj tane ko telo – anglo e Devlese jaćha ovena duhovno đivde. 7 O krajo ando sa o buća tano paše. Odolese, oven razborita hem ma zanemarinen i molitva. 8 A najangleder, but mangen jekh jekhe, sose o mangipe ućhari but grehija. 9 Oven gostoljubiva hem priminen jekh jekhe, bizo te gunđinen. 10 Služinen jekh jekhese premalo poklon kova svako tumendar dobinđa, sar šukar nastojnikija ando Devleso bizaslužimo šukaripe kova mothovi pe ko razna načinija. 11 Ako neko vaćeri, nek vaćeri premalo e Devlese objave. Ako neko služini, tegani nek oslonini pe ki snaga koja dela o Devel. Ađahar o Devel prekalo Isus Hrist ka proslavini pe ko sa. Olesi slava hem moć ki sa i večnost. Amin.