Zaharija

16 „’Aće so valjani te ćeren: Vaćeren o ćaćipe jekh jekhese. Ko e dizjake udara sudinen premalo ćaćipe hem anen o presude kola legarena đi o mir. 19 „Ađahar phenela o Jehova, o Komandanti upro sa o vojske: ’O postibe ko štarto, o postibe ko panđto, o postibe ko eftato hem o postibe ko dešto masek ka ovel e Judase narodose prilika te radujinen pe hem te veselinen pe – praznikija kaj ka ovel veselje. Odolese mangen o ćaćipe hem o mir.‘ 23 „Ađahar phenela o Jehova, o Komandanti upro sa o vojske: ’Ko odova vreme deš manuša ando sa o narodija kola vaćerena razna ćhibja ka dolen jekhe Judejco kotar fistani, zorale ka dolen le hem ka phenen: „Mangaja te đa tumencar, sose šunđam soj tano o Devel tumencar.“ ‘ “