Danilo

5 Ked ka šunen o zvuk ando rog, andi frula, andi citra, andi harfa, andi lira, ando gajde hem ando sa avera muzička instrumentija, peren ko koćija hem pokloninen tumen e zlatno kipese kova ćerđa o kralj Navuhodonosor. 12 Ama disave Judejcija, okola kas ćhivđan upri vavilonsko pokrajina: o Sedrah, o Misah hem o Avdenago, hić na poštujinena tut, mo kraljo. On na služinena te devlenđe hem na pokloninđe pe e zlatno kipese kova ćerđan.“ 15 Ako perena ko koćija ked ka šunen o zvuk ando rog, andi frula, andi citra, andi harfa, andi lira, ando gajde hem ando sa avera muzička instrumentija hem ako pokloninena tumen e kipese kova ćerđum, ka ovel tumenđe šukar. Ama ako na pokloninena tumen e kipese, odmah ka oven fordime ki peć. A kova devel šaj te spasini tumen ando me vasta?“ 16 O Sedrah, o Misah hem o Avdenago phenđe e kraljese: „Kraljo Navuhodonosor, nane potrebno više te vaćera odolestar. 17 Ako valjani te ovel ađahar sar so phenđan, amaro Devel kase služinaja šaj te spasini amen andi peć, a šaj te spasini amen hem ando te vasta, kraljo. 18 Ama hem te na ćerel odova, te đane kraljo, so na ka služina te devlenđe niti ka poklonina amen e zlatno kipese kova ćerđan.“ 24 Tegani o kralj Navuhodonosor darandilo, sigate uštilo hem pućlja pe manušen: „Na li so fordinđam ki jag trine phanlje manušen?“ On phenđe: „Ja, kraljo.“ 25 Ov ko odova phenđa: „Ama me dikhava štare manušen kola nane phanlje. Phirena ki jag hem ništa nane lenđe, a o štarto dićhola samći ked tano o ćhavo ando devela.“ 28 O Navuhodonosor tegani phenđa: „Nek ovel hvalimo o Devel ando Sedrah, Misah hem Avdenago, kova bićhalđa pe anđele hem spasinđa pe slugen. On uzdajinđe pe upro leste, na šunđe e kraljesi zapovest hem čak hine spremna te meren samo te na služinen niti te klaninen pe nijekhe avere devlese osim pe Devlese.