Postanak

8 Palo odova mulo sar but phuro, phuro hem zadovoljno ando životi, hem hine parumo kaj hine parumo oleso narodo. 20 O Isak hine le 40 berš ked lelja pe e Rebekaja, koja hine ćhaj ando Aramejco, o Vatuilo kotar Padan-Aram hem i phen ando Aramejco, o Lavan. 29 Jekhvar o Jakov ćerđa disavo habe, a o Isav irinđa pe ando lov but umorno. 30 O Isav phenđa e Jakovese: „De man sigate te hav hari ando odova lolo habe, sose muljum andi bokh.“ Odolese dobinđa anav Edom. 31 O Jakov phenđa lese: „Prvo bikin maje to pravo kova isi tut sar prvenco.“ 32 Ko odova o Isav phenđa lese: „Aće, samo so na muljum! So valjani maje odova pravo kova isi le o prvenco?“ 33 Palo odova, o Jakov phenđa lese: „Prvo de sovel.“ Ov dinđa sovel e Jakovese hem bikinđa lese o pravo kova hine le sar prvenco. 34 Tegani o Jakov dinđa e Isavese maro hem ćeravdo sočivo, a ov halja hem ćaljilo. Palo odova, uštinđa hem đelo. O Isav na ceninđa o pravo kova hine le sar prvenco.