Psalam
7 Amare paradada na ceninđe o čudija kola ćerđan ko Egipat. Bisterđe to verno mangipe hem buninđe pe protiv tute ko more, ko Crveno more. 8 Ama ov spasinđa len sebepi po anav, te bi mothovi pi moć. 9 Zapovedinđa e Crveno morese hem ov šućilo. Legarđa len ando olese hor thana sar andi pustinja, 13 Ama on sigate bisterđe okova so ćerđa, na ađićerđe te phenel olenđe so te ćeren. 14 Mukhlje te vodinen len o sebična želje ki pustinja, iskušinđe e Devle ki pustinja. 19 Ćerđe telco ko Horiv hem klaninđe pe e metalno kipese. 20 Zameninđe e Devlesi slava e kipeja ando guruv, kova hala ćar. 21 Bisterđe pe Devle, pe Spasitelje, kova ko Egipat ćerđa bare buća, 35 nego mešinđe pe e manušencar hem počminđe te ćeren odova so on ćerena. 36 Služinđe olenge idolenđe hem on ulje lenđe zamka. 37 On žrtvujinđe pe ćhaven hem pe ćhajen e demonenđe.