2. Samuilova

7 Ko pharipe rodinđum e Jehova, vićinđum me Devle. Ko po hram ov šunđa mo glaso, mo rojbe alo đi koro leste. 14 O Jehova grminđa ando nebo, o Najbaro mukhlja po glaso. 15 Fordinđa o strele hem uspudinđa e dušmanen, bićhalđa o munje hem on našaldilje sa. 16 Mothovđa pe o dno ando more, andi Jehovasi holji dićhilje o temeljija andi phuv sebepi but zoralo dah kotar oleso nak. 17 Ov dinđa po vas upral, dolinđa man hem ikalđa man ando hor pani. 18 Spasinđa man ando mo najbaro dušmani, ando okola so mrzinena man, kola hine pozorale mandar. 26 Premalo okova soj tano verno, tu hijan verno, a premalo okova soj tano čestito, tu hijan čestito, 28 Tu spasineja okolen kola tane ponizna, a o ohola nane pali ti volja hem odolese ponizineja len. 36 Tu deja man to štit ando spasenje, ti poniznost ćerela man te ovav baro.