Dela apostolska
2 Sar so hine le običaj, o Pavle khuvđa ki sinagoga hem trin sabatija vaćerđa olencar hem mothovđa lenđe o dokazija kotar Lila. 3 Kotar odova soj tano pisimo, ov objasninđa hem dokažinđa lenđe so o Hrist valjanđa te merel hem te uskrsnini kotar mule. Ov phenđa: „O Isus tano Hrist, olestar vaćerava tumenđe.“ 6 Odolese so na arakhlje len, silaja legarđe e Jasone hem disave phralen anglo dizjake poglavarija hem vićinđe: „Akala manuša ćerđe problemija ko celo sveto, a akana ale hem akate.“ 7 O Jason priminđa len ko po ćher, a sare on buninena pe protiv e carese odredbe, ađahar so vaćerena so isi aver kralj - o Isus.“ 11 Odola Judejcija hine spremna te sikljon više nego okola ko Solun, sose celone vileja prihvatinđe e Devleso lafi. Svako dive pažljivo istražinđe o Lil te dikhen da li odova so šunđe tano ćaćipe. 17 Vaćerđa ki sinagoga e Judejconencar hem avere manušencar kola verujinena ko Devel, a hem ko trg svako dive okolencar kola tegani hine uduri. 19 Tegani astarđe le hem legarđe le ko Areopag, hem phenđe lese: „Šaj li te đana kotar savo nevo sikljovibe vaćereja? 20 Sose vaćereja amenđe buća kolendar niked na šunđam. Mangaja te đana sostar vaćereja. 22 Tegani, o Pavle terdilo maškaro Areopag hem phenđa: „Atinjanija, dikhava so pobuter ando avera manuša, darana ando devela. 23 Na primer, đi phirđum ki diz hem dikhljum okova so obožavinena, arakhljum jekh oltari ko kova pisini: ’Aso nepoznato Devel‘. Odolese, me vaćerava tumenđe ando odova Devel, kolese dena čast iako na penđarena le. 24 O Devel kova ćerđa o sveto hem sa so isi koro leste na bešela ko hramija kola ćerđe o manuša sose ov tano Gospodari ando nebo hem andi phuv. 25 Ov na rodela te služinen lese o manušikane vasta, sar da lese valjani diso, sose ov kokri sarinenđe dela životi hem dah hem sa aver. 26 Kotar jekh manuš ćerđa sa e manušen te šaj te živinen ki celo phuv, odredinđa o vremenija hem o than kaj o manuša ka živinen. 27 Ćerđa odova te bi on rodena e Devle- te bi rodena le hem ćaće arakhena le iako ov nane dur nikastar amendar. 28 Sebepi oleso isi amen životi, phiraja hem postojinaja, sar so hem disave ando tumare pesnikija phenđe: ’Sare amen hijam olese ćhave.‘ 29 „Odolese so hijam e Devlese ćhave, na valjani te mislina so o Devel tano sar o zlato, o srebro ja o bar, sar disavo kip kova tano ćerdo đandipaja hem e manušese gođaja. 32 Ked šunđe aso uskrsenje ando mule, disave počminđe te asan, a avera phenđe: „Ka vaćere amenđe odolestar hem aver puti.“ 34 Ama disave manuša pridružinđe pe lese hem ulje vernikija. Maškaro lende hine o Dionisije, o član ando sudo ko Aeropag, jekh đuvlji koja vićinđa pe Damara hem avera.