Titu

2 O temelji aso odova tani i nada ko večno đivdipe, so o Devel kova našti te hovavi, dija po lafi pana but angljeder, 3 A ko vreme kova odredinđa objavinđa po lafi ađahar so propovedinđa okova so hine maje poverimo, premali zapovest ando amaro Spasitelj, o Devel. 5 Aćhavđum tut ko Krit te ispravine okova so nane šukar hem te ćhive e starešinen ko dizja, sar so dinđum tut uputstvija. 6 O starešina valjani te ovel manuš kase nane so te phenel pe, kova isi le samo jekh romni, kase ćhave tane vernikija hem nane ko glaso sar okola kola ćerena lošna buća ili tane buntovna. 7 Odolese so o Devel dela le i služba ando nastojniko, o nadgledniko valjani te ovel manuš kase nane so te phenel pe, na valjani te ovel zorale šereso, ni holjamo, ni pijanica, ni nasilno, niti te mangel o pare hem te dikhel samo pi korist, 8 već valjani te ovel gostoljubivo, te mangel odova soj tano šukar, te ovel razborito, pravedno, verno hem te ovel le samokontrola. 9 Ko poučavanje valjani te ićeri pe ko ćaćutne lafija, te šaj te hrabrini averen e ispravno sikljovibaja hem te ukorini okolen kola protivinena pe aso odova sikljovibe. 16 On phenena so penđarena e Devle, ama odrekninena pe olestar pe delijencar, sose tane odvratna hem neposlušna hem neprikladna aso bilo kova šukar delo.