Titu
3 Isto ađahar, o phure romnja te mothoven poštovanje, te na vaćeren klevete averendar, niti te pijen but vino, nego te sikaven averen odova soj tano šukar, 4 Ađahar ka šaj te savetujinen e terne romnjen te mangen pe romen, te mangen pe ćhaven, 5 te oven razborita, ćestita, te ćeren buti ko pe ćhera, te oven šukar hem podložna pe romenđe, te ne bi vaćeri pe lošno kotar e Devleso lafi. 6 Isto ađahar, e terne ćhaven podstaknin te oven razborita, 7 a ko sa hem kokri ov primer ko odova te ćere šukar delija. Celone vileja sikav odova soj tano čisto. 10 Te na ćoren len, nego nek oven verna ko sa, te šaj ko sa te ukrasinen o sikljoviba ando amaro Spasitelj, o Devel. 11 Sose mothovđa pe e Devleso bizaslužimo šukaripe hem ov anela spasenje aso sa o vrste ando manuša. 12 Sikavi amen te odreknina amen kotar sa odova so nane premali Devlesi volja hem kotar e svetose želje hem te živina razborito, pravedno hem te ova odana e Devlese ko akava avdisutno sveto, 13 đi ađićeraja te ispunini pe amari nada hem te pojavinen pe ki slava amaro baro Devel hem amaro Spasitelj, o Isus Hrist. 14 O Hrist dinđa pes amenđe te šaj te oslobodini amen ando svako bezakonje hem te očistini amen, te šaj te ova oleso narodo kova pripadini samo olese hem kova revno ćerela šukar delija.