Psalam
3 Jehova, smilujin tut maje, sose rodava tut po celo dive. 4 Jehova, ćer te sluga radosno, sose me osloninava man upro tute. 5 Tu, Jehova, hijan šukar hem spremno hijan te oprostine, pherdo verno mangipaja premalo sare kola rodena tut. 6 Jehova, šun mi molitva, šun ked molinava man tuće ando vilo. 7 Vićinava tut ko dive andi nevolja, sose đanava so ka odgovorine maje. 8 Niko maškaro devela nane sar tute, Jehova, nane asavke delija sar soj tane tekle. 11 Jehova sikav man ando to drumo. Ka živinav premalo to ćaćipe. De man vilo kova nane podelimo, te šaj te darav ando to anav. 12 O Jehova, mo Devel, hvalinava tut celone vileja hem zauvek ka slavinav to anav, 15 A tu hijan, Jehova, Devel milosrdno hem samilosno, strpljivo, pherdo mangipe hem vernost. 17 Mothov upro mande toklo šukaripe, te dikhen le sa okola so mrzinena man hem te lađan. Odolese so tu, Jehova, pomožineja man hem tešineja man.