Dela apostolska

4 O Pavle ko odova phenđa: „O Jovan krstinđa e manušen te bi mothovena so kajinena pe, hem vaćerđa lenđe te verujinen ko okova kova avela palo leste, ko Isus.“ 8 O Pavle trin masek alo ki sinagoga hem hrabro propovedinđa, ićerđa govorija hem vaćerđa ando uverljiva dokazija kotar Devleso Kraljevstvo. 9 Ama nesave hine tvrdoglava hem na manglje te verujinen. On anglo but manuša lošno vaćerđe ando pravo Drumo, odolese o Pavle odvojinđa pe olendar hem lelja peja e učenikonen. Svako dive ićerđa govorija ki Tiranesi škola. 10 Odova trajinđa duj berš, ađahar sare kola živinđe ki Azija, hem o Judejcija hem o Grkija, šunđe e Gospodeso lafi. 19 A but okolendar so ćerđe mađije, ćedinđe pe knjige hem tharđe len anglo sarinende. Ked đenđe len tegani dikhlje so odola knjige vredinđe 50 000 srebrnikija.