Brojevi

2 Sa o Izraelcija počminđe te vaćeren protiv o Mojsije hem o Aron. Celo narodo phenđa lenđe: „Sose na muljam ko Egipat ili ki akija pustinja! 8 Ako hijam pali Jehovasi volja, ov sigurno ka anel amen ki odija phuv, ki koja thavdela avđin hem thud, hem ka del amen odija phuv. 9 Samo ma buninen tumen protiv o Jehova. Ma daran ando manuša kotar odija phuv sose but lokho šaj te pobedina len. On nane zaštitime, a amencar tano o Jehova. Ma daran olendar!“ 10 Ama celo narodo vaćerđa so ka mudari len barencar. Tegani e Jehovasi slava mothovđa pe upro šator ando sastanak sa e Izraelcenđe. 11 O Jehova phenđa e Mojsijese: „Đi ked akava narodo na ka poštujini man? Đi ked na ka verujini maje uzo sa o čudija kola ćerđum maškaro lende? 24 Ama mo sluga, o Halev, hine le aver stav hem hine maje poslušno celone vileja – odolese ka anav le ki phuv ki koja hine hem olese potomkija ka nasledinen la. 29 Ki akija pustinja ka meren sare tumen kola isi tumen 20 berš pa naupre kola hijen popisime, sare tumen kola buninđen tumen protiv mande. 33 Tumare ćhave ka oven pastirija ki pustinja 40 berš hem ka akharen o posledice ando odova so tumen na šunđen, sa đi o poslednjo manuš tumendar na ka merel ki pustinja.