Jov

10 Odolese šunen man, manušalen so hijen razborita. Dur tano kotar ćaćutno Devel te ćerel lošnipe, hem o Svemoćno te ćerel diso nepravedno! 11 Sose ov nagradini e manuše premalo olese delija, dela e manušese premalo oleso ponašanje. 12 Ćaće, o Devel na ćerela lošnipe, o Svemoćno na menjini i pravda. 21 Sose e Devlese jaćha pratinena e manušese drumija, ov dikhela sa olese korakija. 22 Nane tomnina kuri šaj te garaven pe okola so ćerena lošnipe. 23 Sose o Devel nijekhe manušese na odredini ked ka avel anglo leste ko sudo. 24 Ov peravi e zoralen, bizo te ispitini len, hem averen ćhivela ko olengo than. 25 Odolese so đanela olenge delija, peravi len ki ekvaš i rat hem gazini len. 26 Khuvela len sebepi soj tane lošna ko than kuri sare šaj te dikhen odova,