Psalam
56 Smilujin tut maje, Devla, sose o manuša napadinena man. Svako dive borinena pe protiv mande hem maltretirinena man. 2 Me dušmanija stalno mangena te napadinen man, but manuša borinena pe protiv mande hem ohola tane. 3 Ked ukljela man i dar, me uzdajinava man upro tute. 4 Uzdajinava man ko Devel, kas hvalinava sebepi olese obećanja. Uzdajinava man ko Devel, na darava. So šaj te ćerel maje o manuš? 8 Tu šukar đaneja kobor patinđum đi morandiljum te našav. Ćede me asva ko to meh. Nane li on pisime ki ti knjiga? 9 Odova dive ked ka vićinav tut te pomožine man, me dušmanija ka ciden pe. Ko jekh hijum sigurno, o Devel tano mancar. 10 Uzdajinava man ko Devel, kas hvalinava sebepi olese obećanja. Uzdajinava man ko Jehova, kas hvalinava sebepi olese obećanja, 11 uzdajinava man ko Devel, na darava. So šaj te ćerel maje o manuš? 12 Devla ka ispuninav o zavetija kola dinđum tut. Ka dav tut žrtve andi zahvalnost. 13 Sose izbavinđan man ando meribe hem arakhljan man te na perav te šaj te služinav tuće, Devla, ki svetlost ando životi.