Marko

3 Zar ov nane tesari, e Marijako ćhavo, a e Jakoveso, e Josifeso, e Judaso hem e Simoneso phral? Hem zar olenge phenja na živinena akate maškaro amende?“ Hem na manglje te verujinen ano leste. 11 A ako ko disavo than na priminena tumen hem na šunena tumen, ked đana tumenđe odothar tresinen i prašina kotar tumare pre aso svedočanstvo olenđe. 17 Sose o Irod naredinđa te astaren e Jovane, te phanen le hem te forden le ko phanlipe sebepi i Irodijada, koja hine i romni ando oleso phral o Filip, a kola o Irod lelja romnjaće. 18 O Jovan vaćerđa e Irodese: „O zakoni na mukhela tut te le te phralese romnja.“ 19 Odolese i Irodijada mrzinđa le hem manglja te mudari le, ama naštine, 20 sose o Irod darandilo kotar Jovan hem štitinđa le, sose đanđa so ov tano pravedno hem sveto manuš. Ked god šunđa le, hine ko duj gođa so te ćerel, ama hem ponodri manglja te šunel le. 30 O apostolija irinđe pe ko Isus hem vaćerđe lese sa so ćerđe hem sar sikavđe e manušen. 31 Tegani phenđa lenđe: „Aven mancar ko jekh than kuri šaj te oven kokri hem hari odmorinen tumen.“ Sose but đene alje hem đelje, pa na hine len vreme ni maro te han. 32 Ađahar hem on kokri pođinđe ko jekh than kuri niko na hine. 33 Ama, o manuša dikhlje len sar đana hem but đene šunđe aso odova hem kotar sa o dizja pođinđe phirindoj hem reslje uduri angleder olende. 34 A ked ikljilo ando čamco, dikhlja baro narodo, hem sažalinđa pe upro lende, sose hine sar bakre bizo pastiri. Hem počminđa te sikavi len ando but buća. 35 Hine kasno palo pladne, o učenikija alje koro leste hem phenđe: „Ko akava than nane niko, a kasno tano. 36 Phen lenđe te đan pese, nek đan ko gava soj tane paše hem ko pazari te ćinen pese diso te han.“ 38 Ov phenđa lenđe: „Kobor mare isi tumen? Đan hem dikhen.“ Ked dikhlje, phenđe: „Panđ hem duj maćhe.“ 39 Tegani phenđa sarinenđe ko grupe te bešen ki ćar. 40 On bešlje ko grupe po 100 hem po 50 đene. 41 Ov lelja panđ mare hem duj maćhe, dikhlja ko nebo hem molinđa pe. Phaglja o mare hem dinđa len pe učenikonenđe te den e manušenđe. Ađahar hem o duj maćhe ulavđa sarinenđe. 42 Sare halje hem ćaljilje. 43 Ćedinđe odova so aćhilo ando maro hem hine pherde 12 korpe, hem odova so aćhilo ando maćhe. 44 Okola so halje o mare hine 5 000 murša. 51 Tegani khuvđa koro lende ko čamco hem i bavlal terdilji. Ked odova dikhlje, o učenikija hine oduševime. 52 Ama, pana na haljilje so značinđa o čudo e marencar. Olengo vilo odova pana naštine te haljol.