Luka

15 Sa o poreznikija hem o grešnikija ćedinđe pe uzo Isus te šunen le. 2 Odolese o fariseija hem okola so šukar penđarđe o Zakon vaćerđe protiv oleste: „Akava manuš bešela hem hala e grešnikonencar.“ 3 Tegani vaćerđa lenđe akija priča: 4 Ako neko tumendar isi le 100 bakre hem jekh olendar našalđola, na li ka mukhel okolen 99 bakren ki poljana hem ka rodel odole bakre kova našaldilo sa đi na arakhi le? 5 Ked ka arakhi le, ka ćhivel le ko pe pike hem ka ovel bahtalo. 6 A ked ka avel ćhere, ka vićini pe amalen hem pe komšijen hem ka phenel olenđe: ’Radujinen tumen mancar sose arakhljum me bakre kova našaldilo.‘ 7 Vaćerava tumenđe so ađahar ko nebo ka ovel pobari radost sebepi jekh grešniko kova kajini pe nego sebepi 99 pravednikija kola na valjani te pokajinen pe. 10 Phenava tumenđe, ađahar hem e Devlese anđelija radujinena pe sebepi jekh grešniko kova kajini pe. 13 Palo nekobor dive o tikneder ćhavo ćedinđa sa so hine le, đelo ki jekh phuv koja hine but dur hem uduri trošinđa sa po nasledstvo hem ćerđa but lošna buća. 17 Ama, ked haljilo so grešinđa, ov phenđa: O najamnikija ko mo dad isi len but hajbase, a me akate muljum bokhatar! 20 Ađahar pođinđa koro po dad. Đi pana hine dur, oleso dad dikhlja le hem sažalinđa pe upro leste, prastandoj đelo anglo leste, zagrlinđa le hem ćumudinđa le. 21 Tegani o ćhavo phenđa olese: ’Mo dad, grešinđum e Devlese kova tano ko nebo hem tuće. Više na zaslužinava te ovav to ćhavo.‘ 24 sose akava mo ćhavo hine mulo hem oživinđa, hine našaldo hem arakhljam le!‘ Hem počminđe te veselinen pe. 32 Ama morandiljam te veselina amen hem te radujina amen, sose to phral hine mulo hem oživinđa, hine našaldo hem arakhljam le.