Jeremija

12 A tumen ćerena pana pološna buća ando tumare pretkija hem na šunena man, nego hijen zoralešerese hem ćerena odova so tumaro lošno vilo mangela. 16 ’Ka bićhalav buten ribaren‘, phenela o Jehova, ’kola ka astaren len. Palo odova ka bićhalav buten lovcen ko sa o gore hem on ka astaren len ko sa o bregija hem ka ikalen len kotar o pukotine ko stene. 18 Najangleder ka kazninav len potpuno aso olengo prestup hem olengo greh, sebepi so meljaćerđe mi phuv e kipencar ando pe odvratna devela kola nane đivde hem pherđe mi phuv e odvratno idolencar.‘ “ 19 Jehova, tu kova hijan mi snaga hem o than kuri garavava man ko dive andi nevolja, koro tute ka aven o manuša kotar sa o thana ki phuv hem ka phenen: „Ćaće amare pradada na nasledinđe ništa osim o hovavne devela, kola tane bezvredna hem kolendar nane nisavi korist.“ 20 Šaj li o manuš te ćerel pese devlen? Odola nane ćaćutne devela. 21 Odolese ka sikavav len, akava puti ka ćerav te penđaren mi snaga hem mi moć, pa ka đanen so mo anav tano Jehova.