Galatima
5 Amen na šunđam len nijekh trenutko, te bi tumen aćhona zorale ko ćaćipe andi šukar vest. 10 Samo zamolinđe amen te mislina upro ćorore, a odova revno hem ćerđum. 11 Ama, ked o Kifa alo ki Antiohija, anglo jaćha phenđum lese soj lošno odova so ćerđa, odolese so zaslužinđa i osuda. 12 Angleder te aven disave e Jakovese saradnikija, ov halja okolencar ando avera narodija. Ama, ked on reslje, ov ćhinavđa te ćerel odova hem više na družinđa pe olencar, sose darandilo ando okola so hine obrezime. 16 đanaja so o manuš na proglasini pe pravedno sebepi odova so ćerela sose ićeri pe ko Zakon, nego sebepi i vera ko Isus Hrist. Odolese verujinđam ko Isus Hrist te šaj te ova proglasime pravedna sebepi i vera ko Isus Hrist, a na sebepi odova so ćerđam sose odova phenela o Zakon, sose niko na ka ovel proglasimo pravedno sose ćerela odola delija. 19 Odolese so ićerđum man ko Zakon, me muljum premalo Zakon te bi živinava e Devlese. 20 Kovimo hijum ko stubo e Hristeja. Na živinava više me, nego o Hrist živini ano mande. Sose akana, đi živinava ko telo, živinava premali vera ko e Devleso Ćhavo, kova manglja man hem dinđa po đivdipe maje.