Poslovice

26 Sar so na đala nilajese te perel o iv hem o boršim ko vreme andi žetva, ađahar i čast na đala uzo bigođako manuš. 3 O bič tano e grastese, o uzde e herese, a o kaš aso dumo ando bigođako manuš. 4 Ma odgovorin e bigođake manušese premalo oleso dilinipe, te na ove sar oleste. 5 Odgovorin e bigođake manušese premalo oleso dilinipe, te na mislini soj tano mudro. 6 Ko dela disavi buti e bigođake manušese, ov tano sar o manuš kova ćhinela pe pre hem kova ćerela pese lošnipe. 17 Sar o manuš kova dolela e đućele ando kana, asavko tano okova so nakhela hem holjani sebepi so avera svađinena pe. 20 Ked nane kašta, i jag aćhola, a ked nane klevetnikija, nane svađa.