Ponovljeni zakoni

3 ma šun odole prorokose lafija ni e manušese kova dikhlja odova suno, sose o Jehova, tumaro Devel, iskušini tumen te dikhel da li mangena e Jehova, tumare Devle, celone viljeja hem celona dušaja. 5 A okova proroko ili manuš kova proreknini premalo sune nek ovel mudardo, sose ćhivđa tut te ušte protiv o Jehova, to Devel, kova ikalđa tut ando Egipat hem oslobodinđa tut andi phuv ki koja hijan le robo. Odova manuš manglja te cidel tut ando drumo koleja o Jehova, to Devel, zapovedinđa tuće te đa. Cide e lošnone ando narodo. 6 „Ako bi to phral, te dajako ćhavo, ja to ćhavo ja ti ćhaj ja ti manglji romni ja to najšukar amal, garavindoj pherela ti godi hem ako bi phenela tuće: ’Hajde te služina avere devlenđe‘, e devlenđe aso kola ni tu ni te phure na đanđen, 7 e devlenđe kase služinena avera narodija, bilo on te oven paše uzalo tute ja dur tutar, ko jekh ja ko aver krajo andi phuv, 8 ma mukh te ćhivel tut ko odova hem ma šun le. Ma smilujin tut upro leste, ma žalin le hem ma branin le, 9 nego mudar le. Tu prvo vazde to vas upro leste te mudare le, a palo odova hem celo narodo nek ćerel odova. 10 Forde bara upro leste, sose manglja te ćhivel tut te mukhe e Jehova, te Devle, kova ikalđa tut ando Egipat, andi phuv ki koja hijan le robo.