Dela apostolska

9 A o Savle, kova vićini pe hem Pavle, pherdilo sveto duhoja hem holjame dikhlja le, 22 Ked ole cidinđa, e Davide birinđa te ovel lenđe kralj, aso kova phenđa: ’Arakhljum e Jesejese ćhave, e Davide, kova tano manuš palo mo vilo, ov ka ćerel sa so mangava.‘ 32 „Odolese amen vaćeraja tumenđe i šukar vest ando obećanje kova hine dindo amare paradadenđe. 33 O Devel potpuno ispuninđa odova obećanje sebepi amaro, kola hijam olenge ćhave, ađahar so uskrsninđa e Isuse, sar soj tano pisimo ko dujto psalam: ’Tu hijan mo ćhavo, avdije me uljum to dad.‘ 34 O Devel vazdinđa le ando mule hem ov više niked na ka ovel manuš kova šaj te merel hem kaso telo šaj te ćirnjol. O Devel phenđa so ćaće ka ćerel odova ked vaćerđa: ’Ka mothovav tumenđe verno mangipe, kova obećinđum e Davidese, a ko odova obećanje šaj te verujinen.‘ 47 Sose o Jehova ađahar zapovedinđa amenđe: Ćhivđum tut te ove svetlost e narodonđe, te objavine spasenje sa đi o najdur thana ki phuv.‘ 48 Ked šunđe odova o manuša ando avera narodija, hine bahtale hem počminđe te slavinen e Jehovaso lafi. Hem sare kola hine len ispravno stav premalo večno životi ulje vernikija.