Izlazak
10 Tegani o Mojsije phenđa e Jehovase: „Oprostin maje, Jehova, ama me na đanava šukar te vaćerav. Na đanđum odova ni angleder, a ni akana sar vaćereja te slugaja. Na đanava te vaćerav šukar.“ 11 Ko odova o Jehova phenđa lese: „Ko dinđa muj e manušese ili ko isi le moć te ćerel le te ovel laloro ili kašuko hem ko šaj te ćerel le te dikhel ili te na dikhel? Zar na hijum odova me, o Jehova? 14 Tegani o Jehova holjanđa upro Mojsije hem phenđa lese: „To phral tano o Aron, o Leviti, na li? Đanava so ov šukar vaćeri. Aće avela koro tute. Ked ka dikhel tut, ka ovel but bahtalo. 15 Tu ka vaćere lese so te phenel, a me ka ovav tumencar đi ka vaćeren hem ka sikavav tumen so te ćeren. 16 Nek ov vaćeri e narodose umesto tute. Ov ka vaćeri ko to anav, a tu ka phene lese okova so me ka phenav tuće. 19 Palo odova o Jehova phenđa e Mojsijese ko Madijan: „Irin tut ko Egipat, sose sa okola so manglje te mudaren tut mulje.“ 26 Tegani ov đelo olatar. Oj sebepi o obrezanje phenđa: „Ratvalo mladoženja.“