Postanak
2 o ćhave ando ćaćutno Devel počminđe te dikhen sar tane o manušikane ćhaja but šuže, hem odolese ljelje len te oven olenge romnja, sarinen kolen birinđe. 5 Hem o Jehova dikhlja so o manuša ki phuv hine but rumime hem so sa olenge mislija hem želje ando olengo vilo uvek tane usmerime premalo lošnipe. 6 Tegani e Jehovase hine žao so stvorinđa e manušen ki phuv hem osetinđa dukh ko vilo. 9 Akala tane o događaja ando Nojeso životi. O Noje hine pravedno manuš, čestito maškaro manuša. Ov živinđa premali Devlesi volja. 11 I phuv ruminđa pe anglo jaćha kotar ćaćutno Devel hem pherdilji nasilje. 13 Tegani o Devel phenđa e Nojese: „Odlučinđum te uništinav sa e manušen, sose i phuv tani pherdi nasilno manušencar. Ka uništinav hem olen hem sa aver soj tano đivdo ki phuv. 14 Ćer tuće arka ando kaš kova isi le smola. Ćer o pregrade ki arka hem makh la smolaja andral hem avrijal. 18 A tuvaja ćerava savez. Khuv ki arka te ćhavencar, te romnjaja hem e romnjencar ando te ćhave. 19 Ki arka ćhiv po duj andi svako vrsta kotar o životinje, te šaj te aćhon đivde. Le e murše hem e đuvlja. 22 O Noje sa ćerđa ađahar sar so zapovedinđa lese o Devel. Ćerđa baš ađahar.