Filipljanima
3 Ma ćeren ništa andi holi ja sose mangena te vazden tumen, nego oven ponizna hem dikhen averen sar pobare tumendar. 4 Ma dikhen samo tumari korist, nego hem averengi korist. 5 Razmislinen ađahar sar so razmislinđa o Hrist Isus. 6 Iako hine slično sar o Devel, ov ni na pomislinđa te lel oleso than, te ovel sar o Devel. 7 Ov aćhavđa sa so hine le hem ulo sar robo. Ulo manuš. 8 Na samo odova, nego hem ked ulo manuš ponizinđa pe hem hine poslušno sa đi o meribe, hem odova meribe ko mučeničko stubo. 9 Odolese o Devel dinđa le pobaro than ando okova kova hine le angleder hem dinđa le anav kova tano pobaro ando svako aver anav, 10 te bi ko Isuseso anav perena ko koćija – sa okola kola tane ko nebo hem sa okola kola tane ki phuv hem sa okola kola tane tali phuv – 11 hem svako javno te priznajini so o Isus Hrist tano Gospod ki slava e Devlesi, amare Dadesi. 12 Me mangle, sar so uvek hijen le poslušna, na samo ked hijum le tumencar nego pana pobuter ked na hijum tumencar. Odolese ćeren ko tumaro spasenje ađahar so ka daran hem ka tresinen. 13 O Devel tano okova kova odolese so mangela, dela tumen hem želja hem snaga te ćeren odova soj tano pali olesi volja. 14 Ćeren sa bizo te žalinen tumen ja te svađinen tumen. 16 zorale ićerena tumen ko lafi e đivdipaso te šaj te radujina man ko e Hristeso dive so na prastandiljum nisose niti trudinđum man nisose. 17 Ama ako hem ćhorđovava sar prinos ando vino ki tumari žrtva hem ki sveto služba ki koja i vera podsticini tumen, bahtalo hijum hem radujinava man sarinencar tumencar. 19 Nadinava man so, ako ka ovel i volja ando Gospod Isus, pana hari ka bićhalav tumenđe e Timoteje te šaj te ohrabrinav man ked ka šunav diso tumendar. 20 Sose nane man niko aver kova razmislini sar oleste, kova bi ćaće brinini pe tumenđe. 21 Sose sare brininena pe samo pese, a na kotar odova so mangela o Isus Hrist. 22 Ama tumen đanena savo hine – sar ćhavoro pe dadeja revno služinđa mancar đi propovedinđam i šukar vest. 29 Celone vileja ađićeren le, sar so ađićerena okolen kola tane ko jekhipe e Gospodeja. Poštujinen e phralen sar soj tano ov,