Ponovljeni zakoni

4 „Ako dikheja so te phraleso her ja o guruv pelo ko drumo, ma nakh samo uzo lende. Pomožin lese te vazdel odola životinja. 5 „I đuvli na ismini te uravi pe sar murš, niti o murš sar đuvli, sose ko god odova ćerela odvratno tano e Jehovase, te Devlese. 8 „Ako ćereja nevo ćher, ćer hem ograda ko krov, te na ovel ti porodica krivo e ratese ako bi neko perela kotar krov. 23 „Ako dijekh manuš ki diz resela e ćhaja koja tani verimi hem sovela olaja, 24 soldujen ikaljen anglo udara kotar odija diz hem forden upro lende bara sa đi na merena – i ćhaj sebepi so ki diz na pištinđa asi pomoć , a e manuše sebepi so lađaćerđa pe pašutnese romnja. Ađahar cide o lošnipe kotar toklo than. 25 „Ama, ako manuš ki njiva resela e ćhaja koja tani verimi, pa astari la hem sovela olaja, tegani hek ovel mudardo samo o manuš kova suća olaja, 26 A e ćhajaće ma ćer ništa. Oj na ćerđa greh hem na zaslužini te ovel mudardi. Odova tano isto sar ked neko napadini pe pašutne hem mudari le. 27 Ov e čhaja koja tani verimi arakhlja ki njiva hem oj pištindža, ama na hine niko ko te branini la.