Isaija

36 Ko dešuštarto berš andi Jezekijasi vladavina, o asirsko kralj, o Senahirim, napadinđa sa o dizja ki Juda kola hine zaštitime zidoncar hem osvojinđa len. 2 O asirsko kralj phenđa e ravsakese te pođini e bare vojskaja ko kralj Jezekija. On ando Lahis alje ko Jerusalim hem terdilje ko vodovod ando upruno jezero ko drumo kova legari đi o polje kuri thovđe pe o šeja. 3 Tegani anglo lende ikljilje o upravitelj ando kraljeso dvor o Elijakim, e Helkijaso ćhavo, o pisar Somna hem o letopisac Joah, e Asafeso ćhavo. 7 Ako phenena maje: ’Uzdajinaja amen upro Jehova, amaro Devel, nane li so o Jezekija cidinđa olese uće thana hem o oltarija, a akana vaćeri e Judase hem e Jerusalimese: ’Klanjinen tumen e Devlese anglo akava oltari‘?“ ‘ 8 A akana dogovorin tut me gospodareja, e asirsko kraljeja, hem ka dav tut 2 000 grasta ako ka arakhe e manušen kola ka jašinen len. 18 Ma mukhen o Jezekija te hovavi tumen vaćerindoj: ’O Jehova ka spasini amen.‘ Da li disavo devel ando avera narodija spasinđa pi phuv ando vasta kotar asirsko kralj? 19 Kaj tane o ematska hem o arfadska devela? Kaj tane o sefarska devela? Da li on spasinđe e Samarija ando me vasta? 20 Kova ando sa odola devela kotar odola phuvja spasinđa pi phuv ando me vasta? Da li tegani o Jehova ka spasini o Jerusalim ando me vasta?“ ‘ “