Jezekilj
3 Ov phenđa maje: „Tu kova hijan manušikano ćhavo, ha akava soj tano anglo tute. Ha akava svitko, pa đa hem vaćer e Izraelcenđe. 2 Me phravđum mo muj, a ov dinđa man te hav odova svitko. 3 Tegani phenđa maje: „Tu kova hijan manušikano ćhavo, ha akava svitko kova dava tut hem ćaljov olestar.“ Me haljum le hem ko muj hine maje gudlo sar avđin. 7 Ama, o Izraelcija na ka mangen te šunen tut, sose na mangena te šunen man. Sare ko Izraelsko narodo isi len zoralo šero hem zoralo vilo. 8 Ka ćerav tut te ove zorale šereso sar soj tane on zorale šerese hem to ćekat ka ovel zoralo sar olengo ćekat. 9 Ka ćerav to ćekat te ovel zoralo sar dijamanti, pozoralo ando kremen. Ma dara olendar hem ma dara ando olengo muj, sose on tane buntovno narodo. 10 Palo odova phenđa maje: „Tu so hijan o manušikano ćhavo, šun šukar sa o lafija kola ka phenav tuće hem ćhiv len ko to vilo. 14 Tegani o duho vazdinđa man hem legarđa man hem đeljum but holjamo, a upro mande but delujinđa e Jehovasi sila. 16 Palo efta dive alo maje e Jehovaso lafi: 24 Tegani o duho khuvđa ano mande hem uštinđum, a o Devel phenđa maje: „Đa hem phan tut ko to ćher.