Izlazak

11 Phenđe e Mojsijese: „Na hine li grobija ko Egipat nego anđan amen akari te mera ki pustinja? Sose ćerđan amenđe odova? Sose ikalđan amen ando Egipat? 12 Na phenđam li tuće ko Egipat: ’Aćhav amen ki mira! Mukh amen te služina e Egipćanenđe‘? Pošukar tano te služina e Egipćanenđe nego te mera ki pustinja.“ 13 Tegani o Mojsije phenđa e narodose: „Ma daran. Oven hrabra hem dikhen sar ka izbavini tumen o Jehova avdije. E Egipćanen kolen avdije dikhena niked više na ka dikhen. 19 Tegani o anđeo ando ćaćutno Devel, kova đelo anglo Izraelcija, đelo hem staninđa palo lende. A hem o stubo ando oblako kova hine anglo lende, pomerinđa pe hem terdilo palo lende. 29 O Izraelcija nakhlje ko šuko drumo maškaro more, a o pani terdilo sar zido andi desno hem andi levo strana. 30 Ađahar o Jehova odova dive spasinđa e Izraelcen ando Egipćanija. O Izraelcija dikhlje e mulje Egipćanen ki morsko obala. 31 O Izraelcija dikhlje e Jehovasi bari moć koja mothovđa ked uništinđa e Egipćanen. Tegani o narodo počminđa te daral ando Jehova hem te verujinen olese hem olese slugase e Mojsijese.