Avakum
2 Jehova, đi ked ka rodav pomoć, a tu te na šune man? Đi ked ka rodav tutar pomoć odolese so isi nasilje, a tu ništa te na ćere? 3 Sose dozvolineja te dikhav o lošnipe kova ćerela pe? Sose dozvolineja o manuša te maltretirinen jekh jekhe? Sose tane o ćoribe hem o nasilje anglo mande? Sose isi odobor kavge hem sukobija? 12 Na postojineja li tu oduvek, Jehova? Mo Devel, mo Sveto Devel, tu na mereja! Jehova, odredinđan len te izvršinen ti presuda! Tu so hijan mi Stena, ćhivđan len te kazninen! 13 Te jaćha tane odobor čista so tu našti te dikhe o lošnipe, tu našti te trpine o lošnipe. Tegani, sose trpineja okolen kola tane neverna hem sose ćutineja ked o lošno manuš ćerela lošnipe e manušese kova tano pošukar olestar?