Poslovice

2 Okova kova ćerela odova soj tano ispravno, darala ando Jehova, a okova kase drumija tane rumime, na poštujini e Devle. 7 Ićer tut podur ando manuš kova tano bigođako, sose olestar na ka šune ništa soj tano mudro. 10 Niko našti potpuno te haljol avere manušesi dukh, a ni oleso bahtalipe. 12 Disavo drumo e manušese dićhola ispravno, ama ko krajo legari ko meribe. 15 O neiskusno manuš verujini ko sa, ama o gođalo manuš šukar razmislini ando sa so ćerela. 23 Kotar svako trud isi disavi korist, a o ćuće lafija legarena đi o ćororipe. 30 O mirno vilo dela životi e telose, a sebepi i ljubomora o kokala ćirnjona. 31 Ko hovavi okole kova tano ko pharipe, vređini olese Stvoritelje, a slavini le okova kova mothovi milost e ćororese.