Matej

6 Ama ked slavinđa pe e Irodeso rođendan, e Irodijaki ćhaj ćhelđa anglo gostija hem odobor sviđinđa pe e Irodese 7 so halja sovli so ka del la so god te rodel olestar. 8 Oj tegani, sebepi so olaki daj vaćerđa laće, phenđa: „De man akate ki tacna o šero ando Jovan Krstitelj.“ 9 Iako hine lese žao, o kralj sose halja sovli hem sebepi o gostija zapovedinđa te ćerel pe ađahar sar so oj rodinđa. 10 Ađahar bićhalđa e manušen ko phanlipe te ćhinen e Jovaneso šero. 13 Ked o Isus šunđa odova, čamcoja đelo odothar ko jekh pusto than te ovel kokri. Ama, but manuša ando razna dizja šunđe aso odova hem phirindoj đelje palo leste. 16 Ama o Isus phenđa lenđe: „Na valjani te đan pese, tumen den len te han.“ 17 On odgovorinđe lese: „Nane amen akate ništa, samo panđ mare hem duj maćhe.“ 18 A ov phenđa lenđe: „Anen maje odova akari.“ 19 Palo odova phenđa e narodose te bešel ki ćar, lelja odola panđ mare hem duj maćhe, dikhlja ko nebo hem molinđa pe. Phaglja o mare, dinđa len e učenikonenđe, a o učenikija e narodose. 20 Sare halje hem ćaljilje. Palo odova ćedinđe odova so aćhilo hem ćedinđe 12 pherde korpe. 21 A okola kola halje hine oko 5 000 murša, bizo te đenen pe o đuvlja hem o ćhave. 23 Palo odova so o narodo đelo pese, ukljilo ki gora te ovel kokri hem te molini pe. Peli i rat, a ov pana hine uduri kokri. 28 O Petar ko odova phenđa lese: „Gospode, ako tu hijan, phen maje te phirav upro pani hem te avav đi tute.“ 29 Ov phenđa lese: „Ava!“ Tegani o Petar ikljilo ando čamco hem đi phirđa upro pani đelo premalo Isus. 30 Ama ked dikhlja kobor tani i bavlal bari, darandilo hem počminđa te tasljol hem odolese ko sa o glaso phenđa: „Gospode, spasin man!“ 33 Tegani sare ko čamco pele ko koćija hem phenđe lese: „Tu ćaće hijan e Devleso Ćhavo.“