Dela apostolska

17 „Sar avela hine o vreme te ispunini pe o obećanje kova o Devel dinđa e Avrahamese, amaro narodo ko Egipat hine le but ćhave hem hine sa pobaro. 18 Tegani upro Egipat počminđa te vladini aver kralj, kova ništa na đanđa ando Josif. 19 Ov ćerđa pese plan protiv amaro narodo hem zorjeja ćhivđa amare paradaden te mukhen pe beben te meren. 20 Ko odova vreme bijandilo o Mojsije. Ov hine but šužo ćhavo. Trin masek hine ko pe dadeso ćher. 21 A ked aćhavđe le, lelja le e faraonesi ćhaj hem barjaćerđa le sar pe ćhave. 22 Ađahar o Mojsije hine sikavdo andi celo egipatsko mudrost. Hine zoralo ko lafija hem ko delija. 23 „Ked hine le 40 berš, odlučinđa te đal te dikhel sar tane olese phralja, o Izraelcija. 24 Jekh dive dikhlja sar jekh Egipćanin tano nepravedno premalo jekh Izraelco hem ov braninđa pe phralje hem mudarđa e Egipćanine kova maltretirinđa le. 25 Ov mislinđa so olese phralja ka haljon so o Devel prekalo leste ka spasini len, ama on odova na haljilje. 26 Tajsato dive dikhlja sar duj Izraelcija marena pe. Manglja te smirini len hem phenđa: ’Manušalen, tumen hijen phralja! Sose ćerena lošnipe jekh jekhese?‘ 27 Ama, o manuš kova marđa pe phrale, gurinđa e Mojsije hem phenđa lese: ’Ko ćhivđa tut te ove amenđe vladari hem sudija? 28 Te na mangeja hem man te mudare sar so erati mudarđan okole Egipćanine?‘ 29 Ked o Mojsije šunđa odova, našlja hem živinđa ki madijansko phuv. Uduri bijandilje lese duj ćhave. 55 A o Stefan, pherdo sveti duh, dikhlja ko nebo hem dikhlja e Devlesi slava hem e Isuse sar terđola ki e Devlesi desno strana,