1. Letopisa

29 Palo odova, o kralj David phenđa e narodose: „Mo ćhavo, o Solomon, kas o Devel birinđa, terno tano hem neiskusno, a i buti tani bari, sose odova hram nane aso manuš, nego aso Jehova o Devel. 3 Uzo sa odova so već pripreminđum aso odova sveto ćher, ando mangipe premalo e Devleso ćher dava pana hem mo zlato hem mo srebro aso e Devleso ćher: 10 Palo odova o David zahvalinđa e Jehovase anglo celo narodo. Ov phenđa: „Sa i hvala pripadini tuće, Jehova, Devla amare dadeso e Izraeleso, ki celo večnost. 11 Tu, Jehova, hijan najbaro hem veličanstveno. Tu isi tut šužipe, slava hem moć, sose tuće pripadini sa soj tano ko nebo hem ki phuv. Tuće, Jehova, pripadini o kraljevstvo. Tu hijan najbaro hem poglavari upro sarinende. 13 Odolese akana zahvalinaja tuće, Devla amareja, hem hvalinaja toklo šužo anav. 14 Sose ko hijum me hem soj tano mo narodo te bi šaj tuće dobrovoljno te da sa akava? Tutar sa avela, hem amen tuće daja odova so ando to vas dobinđam. 20 Tegani o David phenđa celone narodose: „Akana hvalinen e Jehova, tumare Devle.“ Hem celo narodo hvalinđa e Jehova, e Devle ando pe phure, hem klaninđe pe đi i phuv anglo Jehova hem anglo kralj. 23 O Solomon bešlja ko Jehovaso presto sar kralj ko pe dadeso than, e Davideso. Hine uspešno kralj hem sa o Izraelcija šunđe le.