Postanak
3 Palo disavo vreme, o Kain dinđa e Jehovase žrtva ando odova so bijanđa i phuv. 4 A o Avelj dinđa žrtva kotar prvine ando po stado hem olengi khoni. O Jehova hine zadovoljno e Aveljeja hem odoleja so dinđa sar žrtva, 5 a e Kaineja hem odoleja so ov dinđa sar žrtva na hine zadovoljno. O Kain hine but holjamo hem ogorčeno sebepi odova. 6 Tegani o Jehova phenđa e Kainese: „Sose hijan odobor holjamo hem sose ćedinđan te phova? 7 Ako počmineja te ćere šukar, me ka prihvatinav tut. Ama ako na ka ćere odova soj tano šukar, o greh garavi pe ko to udar hem mangela te astari tut. Da li ka pobedine le? 8 Palo odova, o Kain phenđa pe phralese, e Aveljese: „Hajde te dža ko polje.“ Hem đi hine ko polje, o Kain napadinđa pe phrale e Avelje hem mudarđa le. 10 Tegani o Devel phenđa lese: „So ćerđan? Šun! Te phraleso rat pištini nakro mande kotar phuv. 23 O Lameh ćerđa đili pe romnjenđe e Adaće hem e Selaće: „Šunen mo glaso, e Lamehese romnja, šunen me lafija: Mudarđum e manuše kova raninđa man, e ćhave kova khuvđa man. 24 Ako okova kova ka mudari e Kaine ka ovel kaznimo 7 putija, tegani okova kova ka mudari e Lamehe ka ovel kaznimo 77 putija. 26 E Sitese bijandilo o ćhavo kase dinđa anav Enos. Ko odova vreme o manuša počminđe te vićinen e Jehovaso anav.