Marko
15 Da li te platina ili te na platina?“ O Isus haljilo sose pućena le odova hem phenđa lenđe: „Sose iskušinena man? Mothoven maje o denar.“ 16 Ked anđe lese o denar, pućlja len: „Kaso tano akava liko hem akava so pisini?“ Phenđe lese: „E careso.“ 17 O Isus tegani phenđa: „Den e carese e careso, a e Devlese e Devleso.“ Hem hine oduševime olese lafencar. 26 A odolestar so o mule palem ka ušten na čitinđen li ki Mojsijesi knjiga, ko izveštaj ando grm, sar o Devel phenđa lese: „Me hijum e Avrahameso Devel, e Isakeso Devel hem e Jakoveso Devel‘? 27 A ov nane Devel ando mule, nego ando đivde. Tumaro razmišljanje tano but pogrešno. 30 hem mang e Jehova, te Devle, celone vileja, celona dušaja, celona gođaja hem celona snagaja.‘ 31 I dujto tani: ’Mang te pašutne sar kokri tut.‘ Nane pobare zapovestija ando akala.“ 41 Palo odova bešlja uzi kasica aso prilogija hem posmatrinđa sar o manuša ćhivena o pare ki kasica aso prilogija. But barvale manuša ćhivđe but pare. 42 Alji jekh ćorori udovica hem ćhivđa duj novčićija kola hine len but tikni vrednost. 43 Tegani vićinđa pe učenikonen hem phenđa lenđe: „Verujinen maje, akija ćorori udovica ćhivđa pobuter ando sa kola ćhivena pare ki kasica aso prilogija. 44 Sose sare on dinđe ando po višako, a oj ando po ćororipe dinđa sa so hine la aso životi.“