Levitska

5 „’Ako neko dikhlja ja đanela aso disavo greh, ov tano svedoko. Ako tano vićimo te svedočini, a na avela, odova tano greh. Tegani, ov ka ovel kaznimo aso po greh. 7 „’Ama ako nane le pare te del diso andi sitno stoka, tegani e grehose kova ćerđa nek anel e Jehovase sar žrtva e grehose duj grlice ili duj terne golubija – jekh ćirikli sar žrtva e grehose, a dujto sar žrtva paljenica. 11 „’Ama ako nane le pare aso duj grlice ili aso duj terne golubija, tegani sar žrtva e grehose kova ćerđa nek anel desetak andi efa šukar melimo varo, sar žrtva e grehose. Upro varo ma te ćhorel pe ulje, hem te na ćhivel pe tamjan, sose tano odova žrtva aso greh. 15 Ako neko neverno postupini hem nenamerno prekršini o zakon kova odnosini pe ko sveta buća kola pripadinena e Jehovase, tegani nek e Jehovase sar žrtva aso prestup anela ando stado jekh ovno bizi mana. Kobor tano vredno odova ovno odredini pe ano siklija ando srebro premalo sikl kova arakhi pe ko sveto than.