Levitska

26 Ma ćeren tumenđe e devlen kola ništa na vredinena, ma ćeren tumenđe o kipija kola tane rezbarime ni o obredna stubija hem ma ćhiven ki tumari phuv o bara ko kola tane rezbarime slike te klaninen tumen anglo lende, sose me hijum o Jehova, tumaro Devel. 3 Ako ka živinen premalo me odredbe hem ako ka ićeren tumen ko me zapovestija, 4 ka dav tumen boršim ko pravo vreme, hem i phuv ka bijani, a o voćke ka den po plod. 5 I phuv odobor ka bijani tumenđe so hem ponodri ka ćeden o điv ked ka avel o vreme te ćeden o drakha, a ked ka avel o vreme te sejinen o điv, tumen pana ka ćeden o drakha. Ka han tumaro maro đi na ćaljona hem ka živinen bizi dar ki tumari phuv. 6 Ka ćerav te ovel mir ki tumari phuv, ked ka đan ko sojbe na ka daran nikastar. Ka cidav kotar phuv e opasno životinjen hem niko mačeja na ka avel ki tumari phuv te marel pe tumencar.