Brojevi

6 O Jehova pana phenđa e Mojsijese: 2 „Phen e Izraelcenđe: ’Ako jekh murš ja jekh đuvli dela posebno zavet so ka živini sar nazirej anglo Jehova, 3 ma te pijel vino ni bilo savo aver alkoholno piće. Ma te pijel šut kova tano ćerdo ando vino ni šut kova tano ćerdo ando disavo aver alkoholno piće. Ma te pijel nisavo piće ćerdo ando drakha hem ma te hal drakha, ni sveža ni šuke. 4 Celo vreme đi tano nazirej ma te hal ništa andi vinovo loza, ni drakha kola nane zrela ni olengi kožica. 5 „’Celo vreme đi trajini oleso nazirejsko zavet ma te ćhinel pe bala. Nek ovel sveto hem nek mukhel pe bala te barjon đi na nakhela o vreme ko kova tano odvojimo asi služba e Jehovase. 6 Celo vreme đi tano odvojimo asi služba e Jehovase ma te đal paše uzo mulo manuš. 7 Čak hem ako bi merena oleso dad, daj, phral ili phen, na ismini te meljari pe sebepi olengo, sose ko šero isi le znak soj tano e Devleso nazirej. 8 „’Celo vreme đi tano nazirej ov tano sveto anglo Jehova. 24 „Nek o Jehova blagoslovini tumen hem nek arakhi tumen. 25 Nek o Jehova mothovi tumenđe po šukaripe hem nek mothovi tumenđe pi milost. 26 Nek o Jehova ovela šukar premalo tumende hem nek del tumen mir.“‘ 27 Nek blagoslovinen me anaveja e Izraelconen hem me ka blagoslovinav len.“