Isus Navin

14 Ađahar o manuša pođinđe ando pe šatorija te nakhen i reka Jordan, a o sveštenikija kola akharđe o kovčeg ando savez đelje anglo manuša. 15 Samo so o sveštenikija kola akharđe o kovčeg alje đi o Jordan hem gazinđe ko pani ki obala (ko vreme andi žetva o pani ando Jordan uštela hem ikljola), 16 o pani kova avela hine upral aćhilo. Aćhilo sar zido ko jekh than, but dur, ki diz Adam koja tani paše uzo Sartan. A o pani kova đelo premalo more ki Arava, u stvari premalo Slano more, sa šućilo. O pani više na đelo, a o manuša nakhlje i reka premalo Jerihon. 17 O sveštenikija kola akharđe o kovčeg ando Jehovaso savez terdilje ki šuki phuv maškaro Jordan đi sa o manuša nakhlje andi šuki phuv. Ađahar terdilje đi sa o manuša na nakhlje o Jordan.