Sudije

6 O Izraelcija palem ćerđe okova soj tano lošno anglo Jehovase jaćha hem odolese o Jehova efta berš dinđa len ko Madijancenge vasta. 2 O Madijancija hine okrutna premalo izraelcija hem sebepi olengo on garavđe pe ko bregija, ko pećine hem ko thana kuri o manuša naštine lokho te aven. 3 Svako puti ked bi o Izraelcija sejinena ko pe njive, o Madijancija, o Amaličanija hem o narodija ando Istok bi avena hem bi napadinena len. 4 On bi ćerena pese logor ki olengi phuv hem bi uništinena sa so i phuv bijanđa đi ki Gaza. Ništa na aćhavđe e Izraelcenđe, ni hrana, ni bakre, ni guruva, ni hera. 5 Alje pe životinjencar hem pe šatorencar, hem hine but sar o skakavcija. Hine odobor but so naštine te đenen pe ni on, ni olenge kamile. Alje ki phuv te uništinen la. 6 Ađahar, o Izraelcija sebepi o Madijancija ulje but ćorore. Tegani o Izraelcija počminđe te molinen e Jehova te pomožini len. 7 Ked o Izraelcija sebepi o Madijancija molinđe e Jehova te pomožini len, 14 O Jehova irinđa pe premalo oleste hem phenđa: „Tu hijan zoralo hem ka izbavine e Izraele ando madijanska vasta. Na bićhalava tut li me?“ 15 O Geodeon pućlja le: Oprostin, Jehova, ama sar me ka spasinav o Izrael? Aće, mi porodica tani najtikni ko Manasijaso pleme, a me na hijum odobor važno ko me dadeso ćher.