1. Korinćanima

9 Ađahar hem tumen, ako na vaćerena o lafija kola haljona pe, sar ka haljol pe so vaćerena? Ka vaćeren ki bavlal. 20 Phraljalen, ma razmislinen sar tikne ćhave, ama ked vaćeri pe ando lošnipe, oven sar tikne ćhave. Razmislinen sar zrela manuša. 23 Ako celo skupština ćedela pe hem sare počminena te vaćeren avere ćhibjencar, pa khuvena disave obična manuša ja disave nevernikija, na ka phenen li so dilindiljen? 24 Ama ako sare prorokujinena, a khuvela disavo neverniko ja obično manuš, tumare lafija upro leste ka delujinen sar ukor hem ka ćhiven le šukar te ispitini kokri pes. 25 Hem ka mothoven pe o tajne kola isi le ko vilo, pa ka poklonini pe đi i phuv anglo Devel, hem ka phenel: „Ćaće tano o Devel maškaro tumende.“ 33 O Devel tano Devel ando mir hem sa ćerela ko organizovano način. Sar hem ko sa o skupštine ando sveta, 34 o romnja nek ćutinen ki skupština, odolese so nane lenđe dozvolimo te vaćeren. Neka oven podložna, sar so hem o Zakon phenela. 40 A sa o buća nek oven pristojna hem ađahar sar soj tano o redo.