1. Samuilova

4 Tegani o David hem o manuša kola hine oleja runđe ko glaso hem ađahar runđe sa đi na našalđe pi snaga. 6 O David hine ko bare muke sose o manuša phenđe so ka forden bara upro leste, sebepi so sare hine but holjame sose našalđe pe muršen hem pe ćhajen. Ama o David ohrabrinđa pe sose uzdajinđa pe ko Jehova, po Devel. 7 Tegani o David phenđa e sveštenikose, e Avijatarese, e Ahimelehese ćhavese: „Molinava tut, ana o efod.“ O Avijatar anđa o efod. 8 O David pućlja e Jehova: „Da li te pođinav palo odola razbojnikija? Da li ka resav len?“ A ov odgovorinđa lese: „Pođin palo lende sose sigurno ka rese len hem ka izbavine te manušen.“